ကျားဖြန့်ဂိုဏ် များ မှ ပြန်ပေးဆွဲပြီး အတင်းအကျပ် စေခိုင်း ခံ‌ နေရသော ၎င်းတို့၏ နိုင်ငံသားများကို ကယ်ထုတ်နိုင်ရန် အစွမ်းကုန် ကြိုးပမ်းသွားမည်ဟု တရုတ် အစိုးရ ပြည်သူ့ လုံခြုံရေး ဌာန က ဇန်နဝါရီ ၁၅ ရက် နေ့တွင် ကြေညာချက် ထုတ်ပြန်လာခဲ့သည်။

၎င်းတို့ နိုင်ငံသားများသည် မြဝတီကဲ့သို့ မြိုများ ရှိ အဆောက်အဦး များထဲတွင် ပိတ်လှောင်ခံထားရသည်ဟု ဆိုသည်။

အဆိုပါ ဂိုဏ်းများအား ဖျက်သိမ်း နိုင်သည်အထိ အခြား နိုင်ငံများ မှ ရဲ အဖွဲ့ နှင့် ပူးပေါင်းဆောင်ရွက်သွားမည် ဖြစ်သည်ဟု တရုတ် သတင်းဌာန CCTV က သတင်းတွင် ပါရှိလာသည်။

မည်သို့ နည်းလမ်း သုံး၍ ပူးပေါင်းသွား မည်ဆိုသည်ကား ပြောဆိုခဲ့ခြင်း မရှိပေ။

အဆိုပါ သတင်းကပင် ၂၀၂၃ အတွင်း မြန်မာ အာဏာပိုင်များ နှင့် ပူးပေါင်းပြီး ကိုးကန့် ရှိ မိသားစု လေးစု အုပ်ချုပ်နေသော ရာဇဝတ်ဂိုဏ်းများကို ဖြိုခွင်း နိုင်ခဲ့ကြောင်းလည်း ရည်ညွန်းဖေါ်ပြခဲ့သည်။

ဇန်နဝါရီ ၁၃ ရက် ထိုင်း အစိုးရ အဖွဲ့အစည်း အဝေး မှ ၎င်းတို့၏ ကမ္ဘာလှည့် ခရီးသွားလုပ်ငန်းများ ကို ကာကွယ်ပေးနိုင်ရေး အတွက် အလျင်အမြန် ဖြေရှင်းသွားမည် ဟု ပြောကြောင်းလည်း ဖေါ်ပြထားသည်။

ထိုင်း ဟိုတယ် များ နှင့် လေကြောင်းလိုင်းများလည်း တရုတ် ခရီးသွားများ၏ ခရီးစဉ် ဖျက်သိမ်း ကြောင်း ခရီးသွား အေဂျင်စီများ၏ အကြောင်းကြားစာများ တပုံတပင်ကြီး ရရှိခဲ့သည်ဟု ဘန်ကောက်ပို့စ် သတင်း တွင် ပါရှိခဲ့သည်။

ထိုင်းမှ ၂၀၂၄ တွင် တရုတ် နိုင်ငံသား ၉၀၀ ကို ပြန်လည် လွှဲပြောင်းပေးနိုင်ရန် ကူညီပေးခဲ့ပြီး ၂၀၂၃ တွင် မြန်မာ မှ ၃၁,၀၀၀ ကို လွှဲပြောင်း ပေးခဲ့သည်ဟု ဆိုသည်။ ထိုအချိန်က မြန်မာ ဖက်ခြမ်းတွင် ကျားဖြန့် ဂိုဏ်းများမှ စင်တာ ပေါင်း ၁,၀၀၀ ခန့် နှင့် လူ ၁၀၀,၀၀၀ ခန့် နေ့စဉ် လုပ်ကိုင်နေကြသည်ဟု တရုတ် မီဒီယာ များ က ဖေါ်ပြခဲ့ကြသည်။

စစ်တပ်လိုလားသော ကရင် အမျိုးသားတပ် ခေါင်းဆောင် စောချစ်သူ သည် အ‌ခြေအနေ မကောင်းမှန်း ရိပ်စားမိလာ၍ မြဝတီရှိ တရုတ် စီးပွားရေး သမားများ နှင့် အရေး ပေါ် အစည်း အဝေး ခေါ်ယူ တွေ့ဆုံခဲ့ရာ အွန်လိုင်း ငွေလိမ် အဖွဲ့များ မှ လူကုန်ကူးမှုများ ရပ်ဆိုင်းမည်ဆိုသော သဘောတူညီချက် ရရှိသွားခဲ့သည်ဟု RFA သတင်း တွင် ဖေါ်ပြထားသည်။

ထိုသို့ တွေ့ဆုံခဲ့ရဖို့ ဖြစ်လာသည်မှာလည်း နေပြည်တော်မှ စစ်ခေါင်းဆောင်များ အထိတ်တလန့်နှင့် ဖိအားပေးလာပြီး ထိုင်းအစိုးရ မှလည်း ပါဝင်ပတ်သက်လာသောကြောင့် ဖြစ်သည်။

မြန်မာရှိ တရုတ် နိုင်ငံသားများ က တရုတ် အစိုးရပိုင် ကုမ္ပဏီများ နောက်ကွယ် မှ ပတ်သက်နေသည်ဟု ပြောလာခဲ့သည်။

နောက်ထပ် ရရှိသော သတင်းအရ ဘူဂေးရီယား စစ်တပ် ဝက်ဆိုဒ် မှ ၂၀၁၈ ခုနှစ်တွင် ရုရှား ချေးငွေ ဖြင့် ဝယ်ယူထားသော SU-30SME ‌တိုက်လေယာဉ် ၆ စီးမှ နောက်ဆုံး တစီး ရောက်ရှိလာပြီး နောက်တွင် မြန်မာ စစ်အာဏာပိုင်များမှ မော်စကို ဆပ်ကပ် အဖွဲ့ကြီး အတွက် ဆိုကာ ဆင် ၆ ကောင် ပေးပို့ခဲ့သည်မှာ တိုက်ဆိုင်မှု မဟုတ်ဟု ပြင်သစ် နိုင်ငံတကာ ရေဒီယို အား ကိုးကား၍ ဖေါ်ပြလာသည်။

ဆင် ၆ စီး အား ချေးငွေ ပြန်ဆပ်မှု တစိတ်တပိုင်း အဖြစ် လက်ခံရန် သဘောတူညီချက်ကြောင့် ဖြစ်သည်ဟု ဆိုသည်။

ပြည်သူ အများစု သည် တထွာသော ဝမ်းရေး အတွက် အသက်ထွက် မတတ် ရုန်းကန်နေရချိန်တွင် ဒေါ်ကြူကြူလှသည် ဒေါ်လာ ၃၄,၂၀၀ (ကျပ် သန်း ၁၂၀ ခန့်) တန်ကြေးရှိ လက်ပွေ့အိပ်များထဲ တွင် ဈေး အကြီးဆုံး ဟာမိစ် (Hermes) ကို ကိုင်ကာ ၂၀၂၃ နိုဝင်ဘာ ၇ ရက်နေ့ တွင် စစ်တွေရှိ လောကနန္ဒာ ဘုရား တွင် ကထိန်သင်္ကန်း ကပ်လှု နေသည်ကို တွေ့ရသည်ဟု ဧရာဝတီ သတင်းတွင် ဖေါ်ပြထားသည်။ ယခုအခါ အာရက္ခ တပ်တော်သည် စစ်တွေ အား ထိုးစစ် ဆင်လာ‌ နေပြီ ဖြစ်၍ ထို ခရီးစဉ်သည် သူမ အတွက် နောက်ဆုံး သွားခဲ့ခြင်း ပင် ဖြစ်ပေလိမ့်မည်။

စစ်ကောင်စီသည် စစ်တွေ အား အဝိုင်းခံနေရသော အခြေအနေမှ ကယ်တင်ပေးရန် တရုတ်အား ဖိအားပေးသည့် အနေဖြင့် ပြည်ပ ရင်းနှီးမြုပ်နှံမှု ဝန်ကြီး ကံဇော်မှ အထူးစီးပွားရေး ဇုံ လုပ်ငန်း အစည်းအဝေး တွင် ကျောက်ဖြူ ရေနက် စီမံကိန်း အလျင်အမြန် ပြီးစီးရန် တရုတ် အစိုးရ ပိုင် CITIC ကုမ္ပဏီ အဖွဲ့ နှင့် ထိထိ‌ ရောက်‌ ရောက် ပူးပေါင်းဆောင်ရွက် ကြရန် ပြောဆိုသွားသည်ဟု သိရသည်။

မီးပျက်လျင် မီးစက်ဖြင့် အုပ်ချုပ်မည်ဟု ကြံရွယ်ထားသော မင်းအောင်လှိုင်သည် ဆိုလာပြားများကို တင်သွင်းရန် တံတွေးသီး မတတ် ပြောဆိုနေသော်လည်း သားဖြစ်သူ အောင်ပြည့်စုံ ပြည်ပမှ တင်သွင်းရန် နိုင်ငံခြားငွေ လိုအပ်လာနေပြီ ဖြစ်သည်။ သို့သော် ၎င်း၏ သားအား အထူး ဦးစားပေး ထုတ်ပေးရမည် ဖြစ်ရာ ဒေါ်လာ ဈေးသည်လည်း အဝယ်လိုက်လာသဖြင့် ဇန်နဝါရီ ၁၅ ရက်တွင် ကျပ် ၄၈၂၀ အထိ မြင့်တက်သွားသည်ဟု သိရသည်။

တကယ်တမ်း တွေးကြည့် လျင် မင်းအောင်လှိုင် နှင့် အဖွဲ့သည် ဘာလုပ်လို့ ဘာကိုင်ရမည် ဆိုသည်နှင့် ဘယ်အရာကို ဦးစားပေး လုပ်ရမှန်းကောင်းမှန်း မသိနိုင်အောင် ဗျာများလာနေပြီး ၎င်းတို့၏ မူဝါဒများသည်လည်း ရှေ့နောက်မညီ ဖြစ်နေသည်က များ ပေသည်။

ပြည်သူတို့၏ ခုခံ တွန်းလှန်စစ် မုချ အောင်ရမည်!!!