တပ်မတော် မှ ဂျက်တိုက်လေယာဉ်များက မြန်မာ လေကြောင်း ပိုက်နက် အတွင်း အသွားရော အပြန်ပါ ကြိုဆို ပို့ဆောင်နှုတ် ဆက်ခြင်းများ၊ နေပြည်တော် ရှိ လမ်းတလျောက် ပန်းများနဲ့ ဝေဝေဆာဆာ ကြိုဆိုခဲ့ခြင်းများ၊ ရန်ကုန် မြို့တော် ခမ်းမရှေ့ က ဆန္ဒပြပွဲ၊ ဖေစ်ဘုတ်ကနေ ရှီကျင်ဖျင့် ရဲ့အမည်ကို မြန်မာ မှ အင်္ဂလိပ်ဘာသာ ပြန်ဆိုတဲ့ အယ်ဂိုရီသမ်မှ Mr.Shithole လို့ မှားယွင်း ပြန်ဆိုမိတဲ့ အတွက် ဖေ့စ်ဘုတ်ကနေ တရားဝင် တောင်းပန်ခဲ့ရခြင်းများနဲ့ အတူ
တရုတ် သမ္မတ ရှီကျင်ဖျင့် ရဲ့ 'သမိုင်းဝင်' ခရီးစဉ်သည် စနေနေ့ နေ့လည် ၂:၄၅ တွင်
အဆုံးသတ် သွားခဲ့ပြီ ဖြစ်ပါတယ်။
တရုတ် နှင့် မြန်မာ အကြား သဘောတူညီချက်ပေါင်း ၃၃ ခု လက်မှတ်ရေးထိုးခဲ့သော်လည်း အများ မျော်လင့်ထားသည့် တရုတ်-မြန်မာ စီးပွားရေး စင်္ကြန်လမ်းမကြီး
နှင့် သက်ဆိုင်သည်များက ဖြစ်နိုင်ခြေ လေ့လာမှု သဘောတူညီချက်များ လောက်နဲ့ အဆုံးသတ် သွားခဲ့ပါတယ်။
မြန်မာ အနေနဲ့ တရုတ် ရင်းနှီးမြုပ်နှံမှုများကိုအထူးသတိကြီးစွာ နဲ့ ကိုင်တွယ်နေတာ ထင်ရှားကြောင်း ရိုက်တာ သတင်းဌာန က ဆိုပါတယ်။
အဓိက လက်မှတ်ရေးထိုးခဲ့တာကတော့ ကျောက်ဖြူ ဆိပ်ကမ်းနဲ့ ရန်ကုန် မြို့သစ်စီမံကိန်းများသာ ရှိတာ တွေ့ရ့ပါတယ်။ မြစ်ဆုံ နဲ့ ပတ်သက်ပြီး မည်သို့မျှ ရည်ညွန်း
ဖေါ်ပြခဲ့ခြင်း မရှိတာ တွေ့ရပါတယ်။
ရန်ကုန် ရှိ လေ့လာသူ ရစ်ချတ် ဟိုဆေးကတော့ no big bang လို့ ခပ်ရှင်းရှင်းပဲ မှတ်ချက် ပေးခဲ့ပါတယ်။
တရုတ်ဖက်က တော့ တဆင့်ပြီး တဆင့် တိုးတက်အောင် လုပ်ယူသွားမယ်လို့ ရည်မှန်းထားပုံ ရှိတယ်လို့ ဆိုပါတယ်။
အိန္ဒိယ အဖို့ကတော့ ဒေါ်လာ ၁.၃ ဘီလီယံတန်ကြေးရှိ ကျောက်ဖြူ ဆိပ်ကမ်း စီမံချက်အတွက် စိုးရိမ်မကင်း ဖြစ်နေကြောင်း အိန္ဒိယ
သတင်းစာတွေ မှာ ဖေါ်ပြထားပါတယ်။ အိန္ဒိယ အဖို့က သူနိုင်ငံ ပတ်ချာလည်တွင် သီရိလင်္ကာ ရှိ ဟမ်ဘမ်တိုတာ ဆိပ်ကမ်း၊ ပါကစ္စတန် ရှိ ဂွာဒါ ဆိပ်ကမ်းများနဲ့ တရုတ်က ဝိုင်းရံထားပြီး ဖြစ်နေလို့ပါပဲ။
တရုတ် သမ္မတကတော့ ညီရင်းအကို မောင်ရင်းနှမ စိတ်နဲ့ အခက်အခဲ ဟူသမျ အတူတကွ ရင်ဆိုင်ပြီး ဖေးမသွားမှု နဲ့ နှစ်နိုင်ငံဆက်ဆံရေးကို အကောင်အထည် ဖေါ်နိုင်
မယ် လမ်းပြမြေပုံကို အနာဂတ်အတွက် ရေးဆွဲသွားမယ်လို့ ရွှန်းရွှန်းဝေအောင် ပြောသွားခဲ့ပါတယ်။
ဒေါ်အောင်ဆန်းစုကြည်ကတော့ တရုတ်နိုင်ငံသည် နိုင်ငံတကာ အရေးအရာ များနှင့် ကမ္ဘာ စီးပွားရေး တွင် အရေးပါသော ကဏ္ဍ မှ ပါဝင်
နေတာကြောင့် ပတ်ဝန်းကျင် ပျက်စီးစေမယ့်အရေး ရှောင်ရှားပြီး ဒေသခံတွေ အကျိုးရှိမယ့် စီမံကိန်းများကို ဆောင်ရွက်ဖို့ တိုက်တွန်းလိုက်ပါတယ်။
ဒါဟာ မြန်မာတနိုင်ငံတည်းကို ရည်ရွယ်ပြောဆိုတာမျိုး မဟုတ်ပဲ ကမ္ဘာတဝှမ်းရှိ တရုတ်စီမံကိန်းများနဲ့ ပတ်သက်ပြီး ရဲရဲဝံ့ဝံ့ ထောက်ပြသွားတာ လည်း ဖြစ်ပါတယ်။
ဒါကို ကြည့်ရင် ငါတို့ နိုင်ငံငယ်လေးပဲ ဆိုပြီးသိမ်ငယ်စိတ် မျိုး သူမမှာ လုံးဝမရှိပဲ world class statesman တယောက်မှာ ရှိသင့်ရှိထိုက်တဲ့ အတွေးအခေါ် အယူအဆ
ကနေ ထွက်ပေါ်လာတာမျိုး ပဲ ဖြစ်ပါတယ်။
နိုင်ငံရေး ပါတီ ခေါင်းဆောင်များကိုပါ တွေ့ဆုံခဲ့တယ် ဆိုပေမယ့် လက်ဆွဲနှုတ်ဆက်ယုံသက်သက်ပဲလို့ SNLD မှ ဦးစိုင်းကျော်ညွန်က ညည်းတွား သွားခဲ့ပါတယ်။
ရှီကျင်ဖင့်ရဲ့ ခရီးစဉ် မစတင်မီ တရုတ်နိုင်ငံထုတ် ဂလိုဘယ် တိုင်းမ် သတင်းစာကတော့ မြန်မာသည် အနောက်နိုင်ငံများနှင့် သွားရောက် ရောနှောခဲ့မိရာမှ နွံအိုင်ထဲ ကျသွား၍ တရုတ်နိုင်ငံက ဆွဲတင်ထားရခြင်း ဖြစ်တယ်လို့ ပြောင်ပြောင်တင်းတင်းပဲ ရေးသားလာပါတယ်
အနောက်နိုင်ငံတွေကို သွားရောက်ချည်းကပ်ရာမှ သူတို့တတွေရဲ့ လိုရင်တမျိုး မလိုရင်တမျိုး ဆက်ဆံပုံတွေကို မြန်မာမှ သိရှိသဘောပေါက်လာပြီး သံတမန် ရေး နဲ့ စီးပွားရေး အကူအညီ အတွက် တရုတ်ပြည်ဖက်ကိုပြန်လှည့်လာတာ ဖြစ်တယ်လို့လည်း ရေးသားခဲ့ပြန်ပါတယ်။
တရားဝင် ကြေငြာချက် ထုတ်ပြန်ရာမှာတော့'နိုင်ငံတကာ မျက်နှာစာတွင် မြန်မာမှ မှ မိမိ၏ရသင့်ရထိုက်သော အခွင့်အရေး၊ အကျိုးစီးပွား နှင့် နိုင်ငံ ဂုဏ်သိက္ခာကို ကာ
ကွယ်နိုင်ရေး ကြိုးပမ်းနေမှုများကို အခိုင်အမာ ထောက်ခံကြောင်း' ဖေါ်ပြထားပါတယ်။
