အမေရိကန်-အာရှ စပ် လူမျိုး များသည် ကမ္ဘာ နှစ်ခု ၏ ဓလေ့၊ လူမှုပတ်ဝန်းကျင်တွေကြားမှာ ညပ်နေပြီး ၎င်းတို့ ဘယ်နေရာ တွင် ရပ်တည်နေကြသည်ကိုလည်း သိနားလည် ထား ခဲ့ကြခြင်း မရှိ၊ 

 

လူတယောက်သည် စိတ်ကို ရှင်းလင်းအောင် မထားနိုင်သရွေ့ ထိုသူ၏ စိတ်ထဲတွင် အရှေ့တိုင်း နှင့် အနောက်တိုင်းအကြား အမြဲလို လွန်ဆွဲ နေမည်သာ ဖြစ်သည်။ ကစ်ပလင် အ‌ရှေ့သည် အရှေ့၊ အနောက်သည် အနောက်သာ ဖြစ်၍ မည်သည့် အခါမှ ဆုံစည်း နိုင်မည် မဟုတ်ဟု ရှင်းလင်းစွာ ဖွင့်ဆိုထားခဲ့ပြီးလည်း ဖြစ်သည်။ 

 

ဤသည်ကား ကျွန်တော့် ဌာနမှုး၏ အကြိုက်ဆုံး အကြောင်းအရာ များထဲတွင် တခု အပါအဝင် ဖြစ်ပြီး ကျွန်တော်အားလည်း ကစ်ပလင်း၏ အပြော ကို ဆန်းစစ်ရန် အိမ်စာပင် လုပ်ခိုင်းလာခဲ့သည်။ ကျွန်တော်လည်း စာရွက်တရွက်ကို ဆွဲယူပြီး ဒေါင်လိုက် နှစ်ခြမ်း ခေါက်လိုက်သည်။ စာရွက်ထိပ် ဘယ်ဖက်ခြမ်း တွင် အရှေ့တိုင်း၊ ညာဖက်ခြမ်းတွင် အနောက်တိုင်းဟု ခေါင်းစဉ် တပ်လိုက်သည်။

 

ထို ခေါင်းစဉ်များ အောက်တွင် ကျွန်တော်၏ အရှေ့တိုင်း နှင့် အနောက်တိုင်း အရည်အသွေးများကို ရေးချလိုက်သည်။ ဒီ လေ့ကျင့်ခန်းကို မောင်ရင်ရဲ့ ကိုယ်ပိုင် အချက်အလက်တွေ ကို စာရင်း ပြုစုတယ်လို့ သဘောထားလိုက်ဟု ဌာနမှုးက ပြောသည်။ သူ၏ အရှေ့တိုင်း နွယ်ဖွား ကျောင်းသားတွေ အတွက်လည်း သေချာပေါက် အကျိုး ရှိမယ်ဟုလည်း ပြောပြန်သည်။

 

ပထမ တော့ ကျွန်တော်ကို အပျော်အပျက် ပြောနေသည်ဟု ထင်လိုက်မိသည်။ ထိုနေ့ကလည်း ဧပြီ ၁ ရက် ဖြစ်နေပြန်၍ အနောက်တိုင်းသား တို့ လုပ်နေကျ ရယ်မောစရာ April's fool လုပ်တာများလား၊ သို့သော် ကျွန်တော်ကို ကြည့်နေသည့် သူ့ မျက်လုံး များသည် လေးနက် တည်ကြည်သည့် အရိပ်အယောင်များ လွှမ်းနေသည်။ ထိုအခါကျမှ ဌာနမှုးသည် ဟာသ ပြောတတ်သည့် ဉာဉ်မျိုး မရှိ ဆိူသည်ကို သတိရသွားမိသည်။ ကျွန်တော်လည်း အိမ်ပြန်ရောက်ရောက်ချင်း တွေးလို့ရသမျှ ကို ယခုလို ချရေးလိုက်သည်။

 

အရှေ့တိုင်း။ အနောက်တိုင်း

 

ခပ်လျိုလျို နေတတ် အခါအားလျှော်စွာ ခေါင်းမာတတ်

အာဏာရှိသူများကို။ တခါတရံ အချုပ် 

လေးစားတတ်ခြင်း။ အချယ် အောက် 

                                             တွင် မနေလိုခြင်း

 

အခြားလူများ မည်သို့။ တခါတရံ ပေါ့ပါးလွ

ထင်မည်ကို စိုးရိမ်တတ်။ လွတ်လပ်စွာ အပူအပင် ကင်း ကင်း နေတတ်  

 

ပုံမှန်အားဖြင့် တိတ်တိတ်ဆိတ်။ တခွက် နှစ်ခွက်

ဆိတ် နေတတ်။ သောက်ပြီး စကား များ

 

အမြဲလို ၎င်းတို့ အပေါ် ကျေနပ်။ တကြိမ် နှစ်ကြိမ်

မှု ရှိရန် ကြိုးပမ်း။ မကျေနပ်လည်း

                                                  ဂရုမစိုက်

 

လ္ဘက်ရည် ခွက် ထဲ တဝက် ပဲရှိ ဖန်ခွက်ထဲ တဝက် ပြည့်နေ

 

နိုး ဟု ပြောချင်သော်လည်း။ စိတ်ထဲရှိတာပြော၊ 

 ရက်စ် ဟု ပြော ပြောသလို လုပ်

 

အမြဲလို အတိတ်ကို ပြန်လှည့် တကြိမ်တခါ လောက် အနာဂတ် ကို ကြည့်တတ်

 

လိုက်နာ ဖို့ လိုလား။ ဦးဆောင်ဖို့ လိုလား

 

ပရိသတ် အဖြစ် အလိုက်သင့် 

အလျားသင့် နေတတ် စင်ပေါ်သို့ တက် ရန် အဆင်သင့် ဖြစ်နေ

 

သက်ကြီး ဝါကြီး များ အား မိမိ၏ ငယ်ရွယ်မှု ရိုသေ ကို တန်ဖိုးထား

 

မိမိကိုယ် မိမိ စွန့်လွှတ် အနစ်။ နောက်နေ့ ဆက်တိုက်

နာခံတတ်။ ရန် အသက်ရှင်နေဖို့ လိုသည်ဟု ခံယူ

 

ဘိုးဘေး ဘီဘင်တို့၏ အစဉ် ဘိုးဘေးဘီဘင် အလာ ကို လိုက်နာ ဆိုသည် ကို မေ့ထား

 

မည်းနက် ဖြောင့်တန်းသော ကြည်လင်သော 

ဆံပင်များရှိ။ အညိုရောင် မျက်လုံး များရှိ

 

အနောက်တိုင်း အမြင်တွင်။ အရှေ့တိုင်း အမြင်

အရပ်ပု တွင် အရပ်ရှည်

 

အဝါရောင် သန်းသည် အဖြူ။ အဝါဖျော့ဖျော့ 

ရောင် အသားအရည် မျိုးရှိ။ အသားအရည်မျိုး

 

နောက်နေ့ ကျွန်တော် ရေးထားသမျှ သူ့ကို ပြလိုက်သည့်အခါ "သိတ်ကောင်းတယ်"၊ မောင်ရင်က ကျုပ် တပည့် အရှေ့တိုင်းသား‌ ‌တွေ လို လူတော် တယောက်ပဲ။ သူ့စကား ကြောင့် ကိုယ့်ကိုကိုယ်ပင် သတိမထားလိုက်မိပဲ ဂုဏ်ယူ လိုစိတ်ပင် အနည်းငယ် ဖြစ်လာမိသည်။ ကျောင်းသား ကောင်း ဖြစ်ခဲ့သူ ကျွန်တော် အဖို့ မိမိရဲ့ ကြိုးစားမှု ကို အသိအမှတ်ပြု ချီးကျူး ခံရတာကိုသာ လိုလားပြီး၊ ဘယ်သူ က ချီးကြူး ချီးကြူး အရေးမကြီး။

 

ကျွန်တော် ရေးထားခဲ့သည်များတွင် ချွတ်ယွင်းချက်တော့ ရှိသည်ဟု ပြောလာသည်။ အရှေ့တိုင်း ၏ ထူးခြားသည့် စရိုက်လက္ခဏာ နှင့် တန်ဘိုး အတော် များများသည် အနောက်တိုင်း နှင့် လုံးဝ ဆန့်ကျင်ဘက် ဖြစ်နေပုံ၊ အနောက်တိုင်းတွင် ထို အရည်အသွေး များကို အဆိုးမြင့်သည် ဖက် ရောက်နေပုံ များကို ပြောလာသည်။

 

ယင်းသည် အရှေ့တိုင်း နွယ်ဖွား အမေရိကန်များ၊ အထူးသဖြင့် အမေရိကန် တွင် မွေးဖွား သို့မဟုတ် ကြီးပြင်းလာသူများ အဖို့ သူတို့ မည်သူ မည်ဝါ ဖြစ်သည် ဆိုသည် နှင့် ပတ်သက်၍ ပြဿနာ များ အကြီးအကျယ် ရှိလာစေခဲ့သည်။ သူတို့ကိုယ် သူတို့လည်း နေရာ မှား ရောက်နေသည်ဟု ခံစားလာကြသည်။ မောင်ရင် နဲ့ သိတ်တော့ အကွာခြားကြီး မဟုတ်ဘူး၊ အလယ်လောက်ကနေ ခွဲထွက်သွားတာပဲ ရှိတယ်။ အဲ့လို ဆိုရင် ဘယ်လို ကုစားကြမလဲ။

 

အနောက်တိုင်းမှာ ရှိတဲ့ အရှေ့တိုင်းသားတွေ အိမ်ခြေ ရာခြေ အတည် တကျ မရှိသလို ခံစားနေရတာတွေ၊ လူစိမ်းတယောက်၊ နိုင်ငံခြားသား တယောက်လို အမြဲလို ဖြစ်နေသလား၊ ဂျူး-ခရစ်ယာန် ယဉ်ကျေးမှု ကြီးစိုးရာ မြေတွင် မျိုးဆက်ပေါင်းများစွာ နေထိုင်လာခဲ့သော် ငြား လက်ကျန် ကွန်ဖြူးရှပ် အတွေး အခေါ်၊ အမွေ အနှစ် များ ကို မည်သည့် အခါမျှ ဖယ်ရှားပစ်နိုင်ခြင်း မရှိခဲ့သည် များ ပြောပြရင်း အခု မောင်ရင်ကို အာရှ-အမေရိကန် တယောက် အနေနဲ့ တွေ့ရတာ မျှော်လင့်ချက်‌ ‌တွေ ရှိလာတယ် ဟု ပြောလာသည်။

 

"ကျွန်တော်ကို" ဟု မေးရင်း သူ့စေတနာ ကို သိ၍ မျက်နှာ ကို တတ်နိုင်သမျှ တည်အောင် ကြိုးစားလိုက်ရသည်။

 

ဟုတ်တယ်၊ မောင်ရင်ပဲ၊ မောင်ရင်ဟာ အရှေ့တိုင်းနဲ့ အနောက်တိုင်း နှစ်ခုပေါင်းစပ်ထားတဲ့ လက္ခဏာရပ်တွေ၊ အတွေးအခေါ်တွေကို ပိုင်ဆိုင်ထားလို့ပဲ။ ဒီနှစ်ခု ပေါင်းစပ်ရာက တခုတည်း ထွက်လာနိုင်တယ်။ မောင်ရင် စီက ရုပ်ပိုင်းဆိုင်ရာ အရှေ့တိုင်းသားကို ခွဲထုတ်လို့ မရသလို ရုပ်ပိုင်းဆိုင်ရာ အနောက်တိုင်းသားကိုလည်း ခွဲထုတ်လို့ မရဘူး၊ မောင်ရင်ရဲ့စိတ်ပိုင်း ဆိုင်ရာ အစိတ်အပိုင်းတွေ ဆိုလည်း ဒီလိုပဲ။

 

အခု မောင်ရင်က နေရာ မှား ရောက်နေသလို ထင်နေပေမယ့် နောက်ကျရင် သူလို ငါလို အမေရိကန် တယောက် ဖြစ်လာမှာပဲ။ 

 

ကျုပ်ရဲ့ အာရှ အမေရိကန် ကလေးကို ကြည့်၊ ပြီးခဲ့တဲ့ နှစ်တရာ လောက်က ဆို ဒီကလေးကို တရုတ်ပြည် မှာ ပဲ ဖြစ်ဖြစ်၊ အမေရိကန်မှာပဲ ဖြစ်ဖြစ်၊မျက်စိ စပါးမွှေး စူးစရာ လို မြင်ကြမှာပဲ။ အခုဆို တရုတ်တွေက သူ့ကို သူတို့နဲ့ မတူ၊ ထူးခြား နေတယ်လို့ပဲ မြင်ကြမှာ၊ နောက်ဆို ဒီအဆင့်ကနေ တဖြေးဖြေး တိုးတက်လာမှာပဲ၊ ကျုပ်ကော၊ မောင်ရင်ကော ဖြစ်စေချင်သလို မြန် ချင်မှ မြန်လိမ့်မယ်။ ဒါပေမယ့် ကျုပ် ကလေး အရွယ်ရောက်တဲ့ အချိန်ကျရင်တော့ ဘယ်အခွင့်အလမ်းမှ ပိတ်ပင် ခံရလိမ့်မယ် မဟုတ်ဘူးလို့ မျှော်လင့် မိတာပဲ၊ ဒီမြေပေါ်မှာ မွေးလာတဲ့ အတွက် အမေရိကန် သမ္မတ တယောက်လည်း ဖြစ်လာနိုင်တယ်။

 

မောင်ရင် တို့လိုလူတွေ ထင်ထားတာထက် ပိုများပါတယ်။ လူ့အဖွဲ့အစည်းရဲ့ ဖိအားတွေကြောင့် အများစုက ရှက်ရွံ့စိတ်နဲ့ ကိုယ့်ရဲ့ မူရင်းလက္ခဏာကို ဖုံးကွယ်ပြီး အမေရိကန်လူနေမှုဘဝပုံစံထဲမှာ ပျောက်ကွယ်သွားအောင် ကြိုးစားနေကြတယ်။

 

ဒါပေမယ့် မောင်ရင် တို့လို လူတွေ များသထက် များလာနေပြီ ဆိုတော့ကာ ဒီမိုကရေစီ ဟာ ခင်ဗျား တို့ အသံ တွေ ကြားလာစေမယ့် အခွင့်အလန်း‌ တွေ ပေးလာလိမ့်မယ်၊ အခု ဆို မောင်ရင် ရေးလာတဲ့ ဆန့်ကျင်ဖက် လက္ခဏာ တွေကြောင့် ကိုယ်ရဲ့ စိတ်ပိုင်း ဆိုင်ရာ တွေ ပျက်ဆီး မခံရအောင် သင်ယူနိုင်မယ်၊ ဒီ ဆန့်ကျင်ဖက် လက္ခဏာတွေကို မျှတအောင် ထိန်းညှိပြီး အကျိုးရှိရာ ရှိကြောင်း လုပ်ယူလို့ ရတယ်၊ 

 

အခု မောင်ရင်ရဲ့ ဟိုဖက်ဒီဖက် ကြား ရှိနေတဲ့ သစ္စာစောင့်သိမှု တွေ နဲ့ မောင်ရင်ဟာ အကောင်းဆုံး ဘာသာပြန်တ ဦး ဖြစ်လာလိမ့်မယ်၊ ဆန့်ကျင်ဖက် နိုင်ငံတွေကို ငြိမ်းချမ်းရေးဆီ ပို့ဆောင်ပေးမယ့် သံတမန် တဦးလည်း ဖြစ်လာလိမ့်မယ်။

 

"ကျွန်တော့်က"

 

"ဟုတ်တယ်၊ မောင်ရင်ကို ပြောနေတာ၊ မောင်ရင်လို အရှေ့တိုင်း နောက်ခံ ရှိသူ တဦး အနေနဲ့ အမေရိကန်တွေရဲ့ မွေးရာပါလို့ ယူဆရတဲ့ တုံ့ပြန်ပုံတွေ၊ ဓလေ့ထုံးတမ်းတွေ ဒါမှမဟုတ် အတွေးအခေါ်တွေကို ဂရုတစိုက် လေ့ကျင့်ယူရမယ်၊ ပြီးရင် အရှေ့တိုင်းဆန်တဲ့ စိတ်ခံစားမှု၊ တုံ့ပြန်မှုတွေနဲ့ ဟန်ချက်ညီ အောင် လုပ်ပြီး အမေရိကန်လူ့အဖွဲ့အစည်းမှာ အဆင်ပြေစွာ နေထိုင်နိုင်ဖို့ မွေးယူရမယ်"

 

ကျွန်တော်လည်း မအောင့်အီး နိုင်တော့ပဲ ယင် နဲ့ ယန် လို လုပ်ရတော့မယ်ပေ့ါ၊ ဟုတ်လား၊

("ယင်နဲ့ယန်" ဆိုတာကတော့ ဆန့်ကျင်ဘက်ဖြစ်ပေမယ့် တစ်ခုနဲ့တစ်ခု ဆက်စပ်ပြီး မျှတမှုရှိတဲ့ အရာနှစ်ခုကို ကိုယ်စားပြုတဲ့ တရုတ်အတွေးအခေါ်ကို ရည်ညွှန်းပါတယ်။)

 

"အဲ့တာကိုပဲ ပြောချင်တာ"

 

ကျွန်တော်လည်း လည်ချောင်းထဲက ချဉ်စူးစူး ဖြစ်လာသည့် အရသာ ကို ရှင်းထုတ်လိုက်သည်။ ဒါဟာ ကျွန်တော့်ရဲ့ ရောထွေးနေတဲ့ အရှေ့တိုင်းနဲ့ အနောက်တိုင်း အတွင်းစိတ်တွေရဲ့ အစာအိမ် အက်ဆစ် ပြန်လာခြင်းပင် ဖြစ်သည်။

 

"ပါမောက္ခ"

 

"ဟမ်"

 

ကျွန်တော်ဟာ တကယ်တမ်းကျ ယူရေးရှား တယောက် ဖြစ်တယ် ဆိုရင်ကော၊ ပါမောက္ခ ခုန ပြောတာ‌ တွေ ကွာခြားသွားမှာလား၊ 

 

ဌာနမှုး သည် ကျွနှ်တော်အား ဂရုဏာ သက်စွာ ကြည့်လိုက်ပြီး သောက်လက်စ ဆေးတံ ကို ချွတ် လိုက် ရင်းက ....

 

No, dear boy, absolutely not.